მსოფლიო ჩემპიონატის მეოთხედფინალურ შეხვედრაში საფრანგეთმა ინგლისი დამაჯერებელი თამაშით 2:1 დაამარცხა და ნახევარფინალში გავიდა.

თამაშის მე-17 წუთზე ჩუამენმა ეფექტური დარტყმით ანგარიში გახსნა და საფრანგეთმა პირველი ტაიმი 1:0 მოიგო.

ინგლისის ნაკრებმა მეორე ტაიმში თამაში კიდევ უფრო გაამწვავა. ყველაზე სახიფათო ბუკაიო საკა იყო, რომელმაც 54-ე წუთზე პენალტი გამოიმუშავა. თერთმეტმეტრიანი ჰარი კეინმა ზუსტად დაარტყა და ანგარიში გაათანაბრა – 1:1.

78-ე წუთზე გრიზმანის ჩაწოდების შემდეგ ოლივიე ჟირუმ თავით მაგუაირს დაასწრო, რომელსაც ასევე მოხვდა ბურთი - 1:2. მალევე ტეო ერნანდესმა საჯარიმოში იუხეშა, მსაჯმა პენალტი დანიშნა, თუმცა კეინმა ბურთი კარს ააცილა.

14 დეკემბერს საფრანგეთის ნაკრები მუნდიალის ნახევარფინალში მაროკოს შეხვდება, რომელმაც სენსაციურად დაამარცხა პორტუგალია და პირველი აფრიკული გუნდი გახდა მუნდიალის ნახევარფინალში.