ლეგენდარული ბრაზილიელი ფეხბურთელი პელე არგენტინის ნაკრების მსოფლიო ჩემპიონობას ეხმიანება და მას გამარჯვებას ულოცავს.

„დღეს ფეხბურთი აგრძელებს თავისი ისტორიის მოყოლას, როგორც ყოველთვის, მომხიბვლელად. მესიმ მოიგო თავისი პირველი მსოფლიო ჩემპიონატი და მან ეს დაიმსახურა. ჩემმა ძვირფასმა მეგობარმა, მბაპემ, ფინალში ოთხი გოლი გაიტანა. ჩვენი სპორტის მომავლისთვის ამ სპექტაკლის ყურება შესანიშნავი საჩუქარი იყო. არ შემიძლია არ მივულოცო შესანიშნავი მუნდიალი მაროკოს ნაკრებს, მშვენიერია აფრიკის გაბრწყინების ხილვა. ვულოცავ არგენტინას! რა თქმა უნდა, დიეგო ახლა იღიმება“, - წერს პელე.

არგენტინის ნაკრებმა მსოფლიო ჩემპიონატის ფინალში საფრანგეთი დაამარცხა. დრამატული თამაშის ბედი პენალტების სერიამ გადაწყვიტა. არგენტინა მსოფლიოს ჩემპიონი ისტორიაში მესამედ გახდა. მან ეს ტიტული 1978, 1986 და 2022 წლებში მოიგო.