ინგლისის ბანკმა მეფე ჩარლზ მესამის გამოსახულებით პირველი ბანკნოტები წარადგინა. იუწყება BBC.

ჩარლზ მესამის პორტრეტი ერთაერთი ცვლილება იქნება 5, 10, 20 და 50 ნომინალის გირვანქა სტერლინგის ბანკნოტების დიზაინში. ახალი ბანკნოტები მიმოქცევაში 2024 წლის შუა პერიოდიდან შევა.

დედოფალ ელისაბედ მეორის პორტრეტებით არსებული ბანკნოტების მიღებას სავაჭრო დაწესებულებები ახალი კუპიურების ბრუნვაში ჩაშვებამდე მიიღებენ.

დედოფალი ელისაბედ მეორე ერთადერთი მონარქი იყო, რომელიც ინგლისის ბანკის ბანკნოტებზე 1960 წლიდან გამოჩნდა. შოტლანდიისა და ჩრდილოეთ ირლანდიის ბანკების მიერ გამოშვებულ ბანკონეტებზე ელისაბედ მეორის პორტრეტი გამოსახული არ ყოფილა.

ინგლისის ბანკმა განაცხადა, რომ სამეფო ოჯახის მითითებით, ახალი ბანკნოტები დაზიანებული კუპიურების ან მაღალი მოთხოვნის შესაბამისად დაიბეჭდება.