ლოს ანჯელესში ნაფიცმა მსაჯულებმა 70 წლის  კონოპროდიუსერი ჰარვი ვაინშტაინი გაუპატიურების კიდევ ერთ საქმეში დამნაშვედ ცნეს. მას 24 წლით პატიმრობა ემუქრება. იუწყება Reuters.

ნაფიცმა მსაჯულებმა კინოპროდიუსერი დამნაშავედ აღიარეს სექსუალური ძალადობის ორ ეპიზოდში, რომელიც მან 2013 წელს  რუსი წარმოშობის, ყოფილი მოდელის {ვინაობა არ სახელდება} წინააღმდეგ ჩაიდინა.

 „ჰარვი ვაინშტაინმა სამუდაომოდ გაანადგურა ჩემი ნაწილი 2013 წლის იმ ღამეს. სისხლის სამართლის საქმის პროცესი სასტიკი იყო, ვაინშტაინის ადვოკატებმა ჯოჯოხეთი მომიწყვეს, მაგრამ ვიცოდი, რომ საქმე ბოლომდე უნდა მიმეყვანა, რაც გავაკეთე კიდეც. ვიმედოვნებ, რომ ვიანშტაინი ვერასდროს ნახავს სამყაროს თავისი ციხის საკნის მიღმა“, - განაცხადა დაზარალებულმა.

ლოს ანჯელესის სასამართლო სულ განიხილავდა ოთხ ბრალდებას, რომელიც ვაინშტაინს ოთხმა ქალმა წაუყენა. ნაფიცი მსაჯულები ვერ შეთანხმდნენ კალიფორნიის გუბერნატორის ცოლის ჯენიფერ სიბელ ნიუსისა და მსახიობ ლორენ იანგის მიერ წაყენებულ ბრალდებასთან დაკავშირებით.

ჰარვი ვაინშტაინი სექსუალური სახის ძალადობაში პირველად 2017 წელს დაადანაშაულეს. მის წინააღმდეგ სულ 99 ქალი გამოვიდა, მათ შორის იყვნენ ცნობილი სახეები - უმა თურმანი, ანჯელინა ჯოლი, სალმა ჰაიეკი და გვინეთ პელტროუ.

2020 წლის თებერვალში ნიუ იორკის სასამართლოში ნაფიცმა მსაჯულებმა ვაინშტაინი დამნაშავედ ცნეს ხუთიდან ორ ეპიზოდში, იმავე წლის მარტში კინოპროდიუსერს 23 წლით პატიმრობა მიუსაჯეს.