საქართველოს შინაგან საქმეთა სამინისტროს აკადემიაში ფსიქოლოგიის სფეროში არსებული მიღწევების გაზიარებისა და სამომავლო სამეცნიერო-კვლევითი საქმიანობის ერთობლივი განხორციელების შესახებ ურთიერთთანამშრომლობის მემორანდუმი გაფორმდა.

დოკუმენტს ხელი მოაწერეს შინაგან საქმეთა სამინისტროს აკადემიის რექტორმა ნუკრი გელაშვილმა, საქართველოს თავდაცვის სამინისტროს ფსიქოლოგიური შერჩევისა და მონიტორინგის დეპარტამენტის უფროსმა გიორგი სიხარულიძემ, დავით აღმაშენებლის სახელობის საქართველოს ეროვნული თავდაცვის აკადემიის რექტორის მოვალეობის შემსრულებელმა, ვიცე-პოლკოვნიკმა ვასილ კოპეიკინმა, ასევე, არასაპატიმრო სასჯელთა აღსრულებისა და პრობაციის ეროვნული სააგენტოს, საქართველოს იუსტიციის სასწავლო ცენტრის, საქართველოს სახელმწიფო დაცვის სპეციალური სამსახურის სასწავლო ცენტრის, დანაშაულის პრევენციის ცენტრის და სასჯელაღსრულებისა და პრობაციის სასწავლო ცენტრის წარმომადგენლებმა.