გერმანულმა უმსხვილესმა საავტომობილო ბრენდმა MAN Truck & Bus-მა კიდევ ერთი საერთაშორისო აღიარება მოიპოვა - კომპანიამ EcoVadis-ის მდგრადობის რეიტინგში მოწინავე პოზიცია დაიკავა და ოქროს მედალი დაიმსახურა. MAN Truck & Bus-მა ყველაზე მაღალი ქულა გარემოს დაცვის კატეგორიაში მიიღო. 2023 წლის მონაცემებით, MAN-ის სატვირთო ავტომობილებში გამონაბოლქვის დონე 51.2%-ითაა შემცირებული.

EcoVadis-ის რეიტინგით, რომელიც კორპორაციული მდგრადობის რეიტინგების გლობალური სტანდარტია, მსოფლიოს მასშტაბით, უკვე 125 000-ზე მეტი კომპანია შეფასდა. ოთხი ძირითადი მიმართულებიდან - გარემოს დაცვა, ადამიანის უფლებები, ეთიკა და მდგრადი შესყიდვები - MAN Truck & Bus-ს უმაღლესი ქულა (80) მდგრადობის ნაწილში მიენიჭა. მნიშვნელოვნად გაუმჯობესდა კომპანიის მონაცემები ეთიკის მიმართულებით და ეს მაჩვენებელი 60-დან (2022 წელი) 70-მდე გაიზარდა. 2023 წლის მონაცემებით, კომპანიის შეფასება საერთო რეიტინგშიც გაუმჯობესდა და 73 ქულა მიენიჭა. ცნობისთვის, საქართველოში MAN-ს „თეგეტა ჰოლდინგში“ შემავალი კომპანია Tegeta Truck & Bus წარმოადგენს.

ალექსანდრე ვლასკამპი, MAN Truck & Bus-ის აღმასრულებელი დირექტორი: „მოხარული ვართ, რომ მდგრადობის სფეროში ჩვენი ძალისხმევა კიდევ ერთხელ საერთაშორისოდ აღიარეს. რა თქმა უნდა, ეს ჯილდო ჩვენთვის სტიმულია, სტანდარტები კიდევ უფრო გავაუმჯობესოთ, რათა ბაზარზე წარმატებულ ბრენდად დავრჩეთ და სულ უფრო მეტი მომხმარებელი მოვიზიდოთ ჩვენი პროდუქციის ხარისხით“.

მდგრადი განვითარება MAN-ის სტრატეგიის უმნიშვნელოვანესი ნაწილია. ამ მიმართულებით მიღწეული პროგრესი საერთაშორისო ანგარიშშიც ჩანს, რომლის მიხედვითაც Lion's City E-მ  2024 წლის „მდგრადი ავტობუსის“ წოდება დაიმსახურა. ამასთანავე, Man რეგისტრირებული 780 ელექტრობუსით ევროპული ბაზრის ლიდერია. უნდა აღინიშნოს, რომ, წინა წლებთან შედარებით, MAN-ის ელექტრობუსების გაყიდვები სამჯერ გაიზარდა.

MAN Truck and Bus-ს სამოქმედო გეგმა მკაფიოდ აქვს განსაზღვრული და მიზნად ისახავს, 2050 წლისთვის სრულად ეკომეგობრულ წარმოებაზე გადავიდეს, რათა ბრენდის ტექნიკის მიერ გარემოს დაბინძურება ნულამდე დაიყვანოს. ამ მიზნის მისაღწევად გეგმავს, 2019 წელთან შედარებით, 2030 წლისთვის ემისია 70%-ით შეამციროს. იმ დროისათვის MAN-ის სატვირთო მანქანებით, ავტობუსებითა და ფურგონებით დაფარულ თითო კილომეტრზე გამოყოფილი დაბინძურების მაჩვენებელი 28%-ით უნდა შემცირდეს.

როგორც კომერციული სატრანსპორტო საშუალებების მწარმოებელი, MAN აცნობიერებს პასუხისმგებლობას, რომელიც გარემოზე ზრუნვის ნაწილში ეკისრება. სწორედ ამიტომ კომპანია ხუთ ძირითად მიმართულებაზე იქნება ფოკუსირებული: ემისიების შემცირება, ენერგოეფექტური ტექნოლოგიები, მწვანე ტექნოლოგიები, მდგრადი მიწოდების ჯაჭვი და ინტელექტუალური სატრანსპორტო სისტემები.

ემისიების შემცირების მიზნით, ბრენდი მანქანების ელექტრიფიკაციას გეგმავს. MAN ავითარებს და აწარმოებს ისეთ ელექტრულ სატვირთო მანქანებსა და ავტობუსებს, როგორებიცაა MAN eTGM და eLion's City E. ნახშირბადის შემცირების მიზნით, ასევე იკვლევს ისეთ ალტერნატიულ საწვავს, როგორიცაა წყალბადი და სინთეზური საწვავი.

რაც შეეხება მწვანე ტექნოლოგიებს, MAN ორიენტირებულია მათ განვითარებაზე, რისთვისაც მნიშვნელოვან ინვესტიციებს ახორციელებს ახალი ტექნოლოგიების შექმნაში.

--

საქართველოში გერმანულ ბრენდს „თეგეტა ჰოლდინგში“ შემავალი კომპანია Tegeta Truck & Bus წარმოადგენს. კომპანია ბაზარზე 2006 წლიდან ოპერირებს და მომხმარებელს სთავაზობს  სატვირთოების, ავტობუსების, მიკროავტობუსების, დიზელსა და ბუნებრივ აირზე მომუშავე სპეციალური დანიშნულების ტექნიკის ფართო სპექტრს.