„მგონია 90-ანი წლებია, ძველი ბიჭები „პალაჟენიას“ აყენებენ“ - ნანუკა ჟორჟოლიანი
ტელეწამყვანი ნანუკა ჟორჟოლიანი უნივერსიტეტში მიმდინარე მოვლენებს ეხმაურება და სოციალურ ქსელში პოსტს აქვეყნებს.
"1 უნივერტეტის კადრებს ვუყურებ და მგონია 90-ანი წლებია. ძველი ბიჭები "პალაჟენიას" აყენებენ. ის რაც უნივერსიტეტში ხდება იმაზე მეტად საშიშია ვიდრე გვგონია.
- მცოცავმა ოკუპაციამ ტემპს აუჩქარა. რუსები მაგრად გრძნობენ რომ ამ ქვეყანას პატრონი არ ჰყავს.
- ეკონომიკის მინისტრი ამბობს, რომ გოგა ხაინდრავას, რომელიც ფილმს იღებს მიშაზე, ათონელის რეზიდენცია საიდუმლო კონტრაქტით გადაეცა. ანუ წვდომა აქვს საიდუმლო მასალასთანაც?
- ვიღაც დაიჭირეს პირადი ცხოვრების კადრებზე. პროკურატურის ვერსია იმდენად ჰაკიმ ფაშური აღმოჩნდა, თავადვე უარყოფენ საკუთარ ვერსიას.
- ამასობაში მაესტრო წაიღეს.
ეს ყველაფერი იცით რას ჰგავს? ბავშვი რომ სახლში მშობლების გარეშეა და ურევს ყველაფერს. ახლა იმაზე ვნერვიულობ, რომ ასანთს არ მიაგნონ და არ გადაგვწვან.
#ხელისუფლებაგაიღვიძე!", - წერს ჟორჟოლიანი.
