დღეს, 13 ოქტომბერს, ცნობილ ქართველ რეჟისორს ლანა ღოღობერიძეს 97 წელი შეუსრულდა.
ლანა ღოღობერიძე თბილისში დაიბადა. 1950 წელს დაამთავრა თბილისის სახელმწიფო უნივერსიტეტის ფილოლოგიის ფაკულტეტი. 1957 წლიდან მუშაობს კინოსტუდია "ქართულ ფილმში". 1959 წელს დაამთავრა საკავშირი სახელმწიფო კინემატოგრაფიის ინსტიტუტის კინოსარეჟისორო ფაკულტეტი (სერგეი გერასიმოვასა და თამარა მაკაროვის სახელოსნო).

ქართველი კინორეჟისორი, დიპლომატი, მხატვარი, მთარგმნელი, პუბლიცისტი, საქართველოს სახალხო არტისტი ლანა ღოღობერიძე დაიბადა 1928 წლის 13 ოქტომბერს. 1950 წელს დაამთავრა თბილისის სახელმწიფო უნივერსისტეტის ფილოლოგიის ფაკულტეტი. 57 წლიდან მუშაობს კინოსტუდია "ქართულ ფილმში". არის ფილოლოგიურ მეცნიერებათა კანდიდატი, 1959 წელს დაამთავრა საკავშირო სახელმწიფო კინემატოგრაფიის ინსტიტუტის კინოსარეჟისორო ფაკულტეტი (სერგეი გერასიმოვასა და თამარა მაკაროვას სახელოსნო). 1975-1988 წლებში თბილისის თეატრალურ ინსტიტუტში კინოსარეჟისორო ფაკულტეტს ხელმძღვანელობდა. 1992 წელს საქართველოს პარლამენტის დეპუტატი გახდა. 1999-2006 წლებში ელჩი ევროკავშირში. 2005-2008 წლებში - საქართველოს მუდმივი წარმომადგენელი იუნესკოში.

ლანა ღოღობერიძის ფილმებმა არაერთი საერთაშორისო ჯილდო დაიმსახურა. არის საბჭოთა კავშირის და საქართველოს სახელმწიფო პრემიის ლაურეატი, ვენეციის, ბერლინის, ტოკიოს, სან-ემოს და სხვა კინოფესტივალების პრემიების ლაურეატი, თბილისის საპატიო მოქალაქე.

1955 წელს შექმნა მონოგრაფია "უოლტ უიტმენი". თარგმნილი აქვს უოლტ უიტმენის, პითაგორის, ბერლენას, ანა ახმატოვას, ბორის პასტერნაკის და სხვათა ლექსები. არის დამდგელი რეჟისორი ფილმებისა "მე ვხედავ მზეს", "როცა აყვავდა ნუში", "დღეს ღამე უთენებია", "ვალსი პეჩორაზე", "ორომტრიალი", "რადენიმე ინტერვიუ პირად საკითხებზე" და სხვა.