უკრაინის პრეზიდენტ ვოლოდიმირ ზელენსკისა და აშშ-ის ვიცე-პრეზიდენტ ჯეი დი ვენსთან სატელეფონო საუბარი შედგა. 

ზელენსკის განცხადებით, საუბრისას  Patriot-ის რაკეტების საკითხი განიხილეს.

„კარგი სატელეფონო საუბარი მქონდა აშშ-ის ვიცე-პრეზიდენტ ჯეი დი ვენსთან.

განვიხილეთ ვაშინგტონში პრეზიდენტ ტრამპთან ჩვენი ბოლო შეხვედრის შედეგები, რომელიც პოზიტიური და პროდუქტიული იყო. რუსეთის საჰაერო თავდასხმები ჩვენს ქვეყანაზე გრძელდება, ამიტომ საჰაერო თავდაცვა, კერძოდ, Patriot-ის სისტემებისთვის ბალისტიკური რაკეტების საწინააღმდეგო რაკეტა-ჩამჭრელები კვლავ უმთავრეს პრიორიტეტად რჩება.

ჯეი დი ვენსთან ასევე ვისაუბრეთ რუსეთის ომის გავლენაზე გლობალურ ბაზრებზე.

შევთანხმდით, რომ ჩვენი გუნდები კავშირზე დარჩებიან და დღეს განხილულ ყველა საკითხზე იმუშავებენ.

მადლობას ვუხდი შეერთებულ შტატებს უკრაინისა და ჩვენი ხალხის მხარდაჭერისთვის“, - განაცხადა ზელენსკიმ.