საქართველოს იუსტიციის სამინისტროს ეროვნული არქივის საიტზე ფოტოგრაფ შალვა გოქაძის კოლექციის ნაწილი გამოქვეყნდა.

ეროვნული არქივის ცნობით, ეროვნული არქივის ვებგვერდზე ამ დრომდე უკვე განთავსებულია 10-მდე საავტორო და თემატური ფოტოკოლექცია.

„შალვა გოქაძე 1950-იანი წლებიდან ქართული პერიოდული პრესის ფოტორეპორტიორი იყო. მის კოლექციაში წარმოდგენილია კულტურისა და ხელოვნების მოღვაწეების პორტრეტები; თეატრალური, საოპერო და საბალეტო სპექტაკლების, საესტრადო და კლასიკური მუსიკის კონცერტების ამსახველი კადრები; თბილისის ხედები, არქიტექტურა და სოციალური ყოფა. კოლექციაში დაცული 1000-ზე მეტი ფოტოდან ონლაინკოლექციისათვის 70-მდე სურათი შეირჩა. კოლექცია ხელმისაწვდომია ბმულზე“, – აღნიშნულია ინფორმაციაში.