მამუკა მდინარაძემ რეგიონული განვითარების მინისტრის თანამდებობა დატოვა და პოლიტიკიდან წასვლის შესახებ განაცხადა.

ამის შესახებ მდინარაძემ დღევანდელ ბრიფინგზე ისაუბრა.

"მინდა, საზოგადოებას ვაცნობო ჩემი პირადი, ერთი გადაწყვეტილების შესახებ. მივიღე გადაწყვეტილება, რომ დავტოვო თანამდებობა, პრინციპში - პოლიტიკაც. ჩემთვის ეს 10 წელი, რომელიც პოლიტიკაში ვიყავი, იყო შრომის, სამშობლოს ერთგულებისა და, მეგობრებთან ერთად, დიდი, საქვეყნო საქმის კეთების 10 წელი. ერთი ბედნიერებაა, "ქართული ოცნების" გუნდთან ერთად, ამ სამსახურში ყოფნა. მინდა, ძალიან დიდი მადლობა გადავუხადო "ქართული ოცნების თითოეულ ჯარისკაცს, თითოეულ წევს, თითოეულ ლიდერს - ბატონი ბიძინა ივანიშვილით დაწყებული, დამთავრებული რიგითი ჯარისკაცით, როგორც ჩვენ ამ დიდ ოჯახში ვამბობთ ხოლმე... რადგან თითოეულ მათგან, ყველას უკლებლივ, თავისი წვლილი აქვს შეტანილი საქართველოს დამოუკიდებლობის, მისი იმ დონეზე მიყვანის საქმეში, რა დონეზეც ჩვენ დღეს ამაყად შეგვიძლია ვთქვათ, რომ არასდროს საქართველოში არ ყოფილა სიტუაცია, რომ გადაწყვეტილებები მიღებულიყო აქ - ქართველების, ქართველი ხალხის და ჩვენი სამშობლოს შესახებ. დღეს ეს სიტუაცია ნამდვილად გვაქვს", - განაცხადა მამუკა მდინარაძემ.