ჰოლივუდის მსახიობს ენ ჰეთეუეის ვაჟი შეეძინა, ის ენისა და მისი ქმრის საიუველირო ნაკეთობების დიზაინერის ადამ შულმანის პირველი შვილია.

ბიჭუნა ლოს-ანჯელესში 24 მარტს დაიბადა, თუმცა მშობლებმს ამ სასიხარულო ამბის გახმაურება არ იჩქარეს. ბავშვს ჯონათან როუზბენკს შულმანი დაარქვეს.

ენ ჰეთეუეი 2012 წლის 20 სექტემბერს გათხოვდა. ის პოპულარული შემდეგ ფილმებში მონაწილეობით გახდა: ”რეიჩელი თხოვდება”, ”ჯეინ ოსტინი” და ”ეშმაკი ირჩევს Prada-ს”. 2013 წელს მსახიობი ფილმში ”საბრალონი” შესრულებული როლისათვის BAFTA-ს, კინომსახიობთა გილდიისა და ”ოქროს გლობუსის” პრემიებზე წარადგინეს. ამავე როლისთვის მან ”ოსკარის” პრემია მიიღო.