„სანსეტ შოვს” კურორტ შოვში მდებარე სასტუმროს წყალმომარაგების უზრუნველყოფისთვის სახელმწიფო ტყის ფონდით სარგებლობის უფლება მიეცა
მთავრობამ „სანსეტ შოვს” კურორტ შოვში მდებარე სასტუმროს წყალმომარაგების უზრუნველყოფისთვის სახელმწიფო ტყის ფონდით სარგებლობის უფლება მისცა. საუბარია სატყეო უბნის, ხე-ტყის ჭრის უფლების გარეშე, 20 წლის ვადით გადაცემაზე.
მთავრობის №2041 განკარგულებაში აღნიშნულია, რომ კომპანიას ონის მუნიციპალიტეტში, კურორტ შოვში მდებარე სასტუმროს წყალმომარაგების უზრუნველსაყოფად, წყლის მილსადენების რეკონსტრუქცია/რეაბილიტაციის მიზნით, შოვის სატყეო №18-სა და №32 კვარტალში მდებარე 1273 კვ.მ ფართობით სპეციალური დანიშნულებით სარგებლობის (ხე-ტყის ჭრის უფლების გარეშე) ვადა შპს „სანსეტ შოვს“ 20 წლამდე განესაზღვრა.
