აზერბაიჯანის დედაქალაქში, 50 სართულიან ცათამბრჯენ Baku Tower-ს ააშენებენ. Trend-ის ინფორმაციით, აზერბაიჯანულ კომპანიას Azvil Tikinti-ს ცათამბრჯენის მშენებლობისას კონსულტაციას რისკების მართვის გლობალური ლიდერი, კომპანია Hill International-ი გაუწევს.

წინასწარი ინფორმაციით, Hill International-თან კონტრაქტის ღირებულება 3,7 მლნ დოლარი იქნება და Hill-ის მთავარი ფუნქცია, მშენებლობის ყველა ეტაპზე, მშენებლობის ხარისხის კონტროლი და ტექნიკური ნორმების შემოწმებაა.

უკვე ცნობილია, რომ Baku Tower-ი ბაქოში ყველაზე მაღალი შენობა იქნება და შენობიდან ბაქოს საუკეთესო პანორამული ხედები გადაიშლება.

აღსანიშნავია, რომ Hill International-ის 100 ოფისში, მსოფლიოს მასშტაბით 4,9 ათასი ადამიანი მუშაობს.