მგზავრთა რაოდენობა გაიზარდა მესტიის თამარ მეფის სახელობის საერთაშორისო აეროპორტიც. სამოქალაქო ავიაციის სააგენტოს ინფორმაციით, 2016 წლის იანვარ-ივნისში აეროპორტი სულ 1 494 მგზავრს მოემსახურა, 2015 წლის ანალოგიურ პერიოდში კი - 1 392 მგზავრს. შესაბამისად ზრდამ 7,33 %-ი შეადგინა.

სტატისტიკური მაჩვენებლების მიხედვით, მესტიის თამარ მეფის სახელობის საერთაშორისო აეროპორტმა 2016 წლის პირველ ნახევარში 605%-ით მეტი მგზავრი გაატარა, ვიდრე 2014 წლის ანალოგიურ პერიოდში.

სამოქალაქო ავიაციის სააგენტოს მიერ წარმოებული სტატისტიკიდან ირკვევა, რომ 2014 წლის იანვარ-ივნისში მესტიის თამარ მეფის სახელობის საერთაშორისო აეროპორტი მხოლოდ 212 მგზავრს მოემსახურა.

შეგახსენებთ, რომ 2016 წლის პირველი ნახევრის მონაცემებით, საქართველოს აეროპორტები 21,33%-ით მეტ მგზავრს მოემსახურა. კერძოდ მიმდინარე წელს, საქართველოს აეროპორტების მიერ რეგულარული და ჩარტერული რეისების შედეგად სულ გადაყვანილ იქნა 1 მლნ 82 ათას 828 მგზავრი, რაც 21,33%-ით აღემატება წინა წლის ანალოგიურ მონაცემებს (892 468 მგზავრი).