ქვეყნის ავიაციის  ლიდერი კომპანია, თურქული ავიაგადამზიდავი Turkish Airlines-ია, რომელსაც 2016 წლის პირველი ნახევრის მონაცემებით ბაზრის 19 %-ი უკავია. სტატისტიკური ინფორმაციის მიხედვით, იანვარ-ივნისის მონაცემებით, რეგულარული რეისებით გადაყვანილი მგზავრების რაოდენობით Turkish Airlines-ი საქართველოში კვლავინდებურად ნომერ პირველია და ის ექვსი თვის განმავლობაში 205 ათას 615 მგზავრს მოემსახურა.

საქართველოს ავიაციის ბაზრის ერთ-ერთი ლიდერია ასევე უკრაინული ავიაგადამზიდავი  Ukraine International Airlines-ია (FlyUIA) , რომელიც გადაყვანილი მგზავრთნაკადის მიხედვით ბაზრის 10 %-ს ფლობს. ავიაკომპანიამ იანვარ-ივნისში სულ 109 ათას 122 მგზავრი გადაიყვანა.

ასევე ბაზრის 10 %-ს აკონტროლებს ქართული კომპანია Georgian Airways-იც (101 ათას 565

მგზავრი).

2016 წლის იანვარ-ივნისის მონაცემებით, საქართველოს ავიაბაზრის 6-6 %-ის იკავებენ რუსული ავიაკომპანიები Aeroflot-ი, S7-ი და ასევე  თურქული დაბალბიუჯეტიანი ავიაკომპანია Pegasus Airlines-ი.

ბაზრის 5 %-ის მფლობელი კი ავიაკომპანია Flydubai-ა. საქართველოს ავიაბაზრის 4 %-ს Wizz Air-ი ფლობს.

ნახევარი წლის მონაცემებით, ბაზრის 3-3%-ის მფლობელები არიან: Lufthansa, Air Arabia, Belavia, Atlasglobal-იდა AZAL-ი.

2-2%-ანი წილი აქვთ ავიაკომპანიებს: Israir-ი, QatarAirways-ი, Air Astana და LOT-ი,

სამოქალაქო ავიაციის სააგენტოს ინფორმაციით, ქვეყნის ავიაბაზრის 11 %-ის მფლობელი ეროვნული ავიაგადამზიდავი, ხოლო 89 %-ს უცხოური ავიაკომპანიები აკონტროლებენ.

შეგახსენებთ, რომ 2016 წლის პირველი ნახევრის მონაცემებით, საქართველოს აეროპორტები 21,33%-ით მეტ მგზავრს მოემსახურა. როგორც სამოქალაქო ავიაციის სააგენტოში განმარტავენ,  იანვარ-ივნისში საქართველოს აეროპორტებში  მგზავრთნაკადის მნიშვნელოვანი ზრდა დაფიქსირდა. კერძოდ მიმდინარე წელს, საქართველოს აეროპორტების მიერ რეგულარული და ჩარტერული რეისების შედეგად სულ გადაყვანილ იქნა 1 082 828 მგზავრი, რაც 21,33%-ით აღემატება წინა წლის ანალოგიურ მონაცემს (892 468 მგზავრი).