2015 წლის მონაცემებით, თურქეთმა საკუთარი წარმოების ოდიკოლონის ექსპორტი მსოფლიოს 97 ქვეყანაში მოახდინა. როგორც თურქული მედია წერს, ბოლო 5 წლის განმავლობაში ქვეყანამ 30 მლნ დოლარის ღირებულების ოდეკოლონი გაყიდა.

მხოლოდ გასულ წელს, ქვეყნიდან 6 მლნ 705 ათასი დოლარის ოდეკოლონი გაიტანეს.

თუმცა სტატისტიკა აჩვენებს, რომ ყველაზე დიდი რაოდენობით თურქული ოდეკოლონი გერმანიაში იყიდება, სადაც 2015 წელს 1 მლნ 28 ათასი დოლარის ღირებულების ოდეკოლონი შეიტანეს.

საექსპორტო სამეულში, გერმანიის შემდეგ ერაყია, სადაც 2015 წელს 832 ათასი დოლარის ღირებულებსი თურქული ოდეკოლონი შევიდა. თურქულ ოდეკოლონს ყიდულობენ აშშ-ში, 2015 წელს თურქეთიდან აშშ-ში 361 ათასი დოლარის ღირებულების ოდეკოლონი შეიტანეს.

2015 წლის მონაცემებით, ირანმა 348 ათასი დოლარის ოდეკოლონი, ხოლო ლიბიამ - 254 ათასი დოლარის თურქული ოდეკოლონი შეიძინა. აზერბაიჯანში 2015 წელს 232 ათასი დოლარის ღირებულების თურქული ოდეკოლონი, ხოლო ნიდერლანდებში 214 ათასი დოლარის პროდუქცია შევიდა. საუდის არაბეთში გასულ წელს 161 ათასი დოლარის, ხოლო ტანზანიასა და სირიაში 151 ათასი დოლარის ღირებულების თურქული ოდეკოლონი შევიდა.