13 ივლისს ჩვილთა საყოველთაო ნათლობა გაიმართება
ხვალ, 13 ივლისს, სამების ტაძარში ჩვილთა 44-ე საყოველთაო ნათლობა გაიმართება.
ცნობილი ხდება, რომ სამების ტაძარში 13 ივლისს 738 ბავშვი მოინათლება. ამ დროისათვის კათოლიკოს-პატრიარქს 28 371 ნათლული ჰყავს.
კათოლიკოს-პატრიარქის ნათლულები ჯვარდაწერილი მშობლების მესამე და შემდგომი შვილები არიან. ჩვილთა პირველი ნათლობა 2008 წლის 19 იანვარს გაიმართა. პატრიარქის ინიციატივის მიზანი საქართველოში დემოგრაფიული მდგომარეობის გაუმჯობესებაა.
