ბათუმის მ. ბალანჩივაძის სახელოვნებო სკოლის ანსამბლი "მეგობრობა" ბულგარეთის ტერიტორიაზე იმყოფება. როგორც აჭარის განათლების, კულტურისა და სპორტის მინისტრის მოადგილე ნათია სირაბიძე Facebook-ის პირად გვერდზე წერს, ანსამბლის ტრანსპორტირებაზე პასუხისმგებელ პირებთან დაკავშირება უკვე მოხერხდა.

“ანსამბლ "ალილოსთან" ერთად პოლონეთში მიემგზავრებოდა ბათუმის მ. ბალანჩივაძის სახელოვნებო სკოლის ანსამბლი "მეგობრობა", მანანა სახელაშვილის ხელმძღვანელობით. მათ თურქეთის საზღვარი 4 საათის წინ გადაკვეთეს და ამჟამად ბულგარეთში იმყოფებიან. ანსამბლის გასტროლს აჭარის განათლების, კულტურის და სპორტის სამინისტრო აფინანსებს და შევძელით ტენდერში გამარჯვებულ კომპანიასთან და მძღოლებთან დაკავშირება. მინდა დავამშვიდო ბავშვების მშობლები და ახლობლები, რომ ისინი უსაფრთხოდ არიან და მშვიდობიანად მგზავრობენ”, აცხადებს სირაბიძე.

როგორც ირკვევა  მ. ბალანჩივაძის სახელოვნებო სკოლის ანსამბლი "მეგობრობა", პოლონეტის საერთაშორისო ფესტივალ "WARMIA 2016“-ში მონაწილებს,  რომელიც  19-24 ივლისს  ქალაქ ოლშტინში გაიმართება.

გასტროლის ფარგლებში სულ 38 პირია წასული, საიდანაც 28 მოცეკვავეა.