თურქეთში სახელმწიფო გადატრიალების მცდელობის დროს შეტაკებების შედეგად 190 ადამიანი დაიღუპა. თურქეთის ხელისუფლების ინფორმაციით, გარდაცვლილთა შორის შეთქმულების 104 მონაწილეა.

ამ დროისთვის დაკავებულია 1500-ზე მეტი სამხედრო. ხუთი გენერალი კი შეიარაღაებული ძალებიდან გათავისუფლებულია.

თურქეთის პრეზიდენტის ადმინისტრაცია მოქალაქეებს საღამოს ქუჩაში გამოსვლისკენ მოუწოდებს. თურქეთის მცხოვრებთა ნაწილმა მობილურ ტელეფონებზე შესაბამისი შეტყობინებები მიიღეს, სადაც მათ დემოკრატიის მხარადასაჭერად გამოსვლისკენ მოუწოდებენ.

ამასთან, სააგენტო Reuter-ის ინფორმაციით,  ანკარაში შეიარაღებული ძალების გენშტაბის შენობის გასათავისუფლებლად ოპერაცია ამ დრომდე მიმდინარეობს. შეიარაღებული ძალების მოქმედმა მეთაურმა, გენერალმა უმიტ დუნდარმა სატელევიზიო გამოსვლისას განაცხადა, რომ სახელმწიფო გადატრიალების  მონაწილეებს რამდენიმე სამხედრო მძევლად ჰყავს აყვანილი.