ტელეწამყვანი ლევან როსტოშვილი და მსახიობი ლაშა კურტანიძე სასამართლო დარბაზიდან გირაოს სანაცვლოდ გაათავისუფლეს.

სასამართლომ ბრალდებულებს გირაოს სახით150 -150 ათასი ლარის გადახდა დააკისრა.

აღკვეთის ღონისძიების გირაოთი ჩანაცვლების შესახებ ბრალდებულთა ადვოკატმა იშუამდგომლა. მოსამართლემ დაცვის მხარის შაუმდგომლობა გაითვალისწინა და ორივე დაკავებული  დარბაზიდანვე გაათავისუფლა.

როსტოშვილი და კურტანიძე 6 მაისს დააკავეს. დაკავებულების მიმართ სისხლის სამართლის საქმე 260-ე მუხლით აღიძრა, რაც განსაკუთრებით დიდი ოდენობით ნარკოტიკული ნივთიერების შეძენა-შენახვას გულისხმობს.

ბრალდებულებს გირაოს თანხის შესატანად 5 დღიანი ვადა აქვთ.