თურქეთის ტერიტორიაზე გამოცხადებული საგანგებო მდგომარეობის გათვალისწინებით ავიაკომპანია Turkish Airlines-ი ფრენებს უწყვეტ რეჟიმში ახდენს. როგორც საქართველოს აეროპორტების გაერთიანებაში Turkish Airlines-ზე დაყრდნობით აცხადებენ, ავიაკომპანია  ყველა ავიარეისს უწყვეტ რეჟიმში  ასრულებს.
„თურქეთის პრეზიდენტის მიერ გამოცხადებული სამ თვიანი საგანგებო მდგომარეობის მიუხედავად, ავიაკომპანია Turkish Airlines-ი უწყვეტ რეჟიმში აგრძელებს ოპერირებას, ავიარეისები ისევე როგორც დღემდე, მომავალშიც შეუფერხებლად შესრულდება”, აცხადებენ გაერთიანებაში.

შეგახსენებთ, რომ  Turkish Airlines-ი არის სახელმწიფო ავიაკომპანია, რომელიც 116 ქვეყანაში, 290 მიმართულებით ასრულებს ავიარეისებს.