პროკრედიტ ბანკი განვითარებაზე ორიენტირებული ბანკია, რომლის სოციალური პასუხისმგებლობის ერთ-ერთ მნიშვნელოვან ნაწილს გარემოზე ზრუნვა წარმოადგენს.  ბანკში დანერგილი გარემოსდაცვითი მენეჯმენტის სისტემა,  შექმნილია სპეციალურად ფინანსური ინსტიტუტებისთვის და ეფუძნება სამ ძირითად მიდგომას. ეს მიდგომებია: შიდა გარემოსდაცვითი მენეჯმენტის სისტემა,  ეკოლოგიური და სოციალური რისკების მართვა დაკრედიტებისას და მწვანე დაფინანსება. აღნიშნული სისტემის სრულყოფილად ფუნქციონირების მიზნით, ბანკში  შექმნილია  ეკო ქვეგანყოფილება,  რომელიც  მნიშვნელოვან როლს ასრულებს გარემოსდაცვითი ცნობიერების ამაღლების საქმეში, როგორც თანამშრომლების, ასევე კლიენტებისა და ფართო საზოგადოებისთვის.  

2016 წელს შვეიცარიული კომპანია  SGS (Société Générale de Surveillance)-ის მიერ  განხორციელდა ბანკში დანერგილი გარემოსდაცვითი მენეჯმენტის სისტემის აუდიტი, რომლის შედეგად დადასტურდა მისი სრული შესაბამისობა ISO 14001:2015-ის სტანდარტთან. დღეს, პროკრედიტ ბანკი პირველი ბანკია ქართულ საბანკო სივრცეში, რომელსაც მინიჭებული აქვს ISO  14001 სერთიფიკატი.

“ჩვენი საქმიანობისას დიდ ყურადღებას ვაქცევთ გარემოზე ზემოქმედების საკითხებს და ვცდილობთ მაქსიმალურად შევამციროთ მასზე უარყოფითი ზეგავლენა,   ვახორციელებთ სხვადასხვა ენერგოეფექტურ და გარემოსადმი მეგობრულ პროექტებს, რითაც ვცდილობთ ჩვენი წვლილი შევიტანოთ კლიმატის ცვლილების წინააღმდეგ ბრძოლის საქმეში. გარემოსდაცვითი საკითხები ერთ-ერთი მნიშვნელოვანი შემადგენელი ნაწილია იმ ტრენინგებისა, რომლებიც პერიოდულად უტარდებათ პროკრედიტ ბანკის თანამშრომლებს, როგორც  ადგილობრივ ასევე საერთაშორისო დონეზე. კლიენტებისთვის შემუშავებული გვაქვს სპეციალური პროდუქტი  - ეკო სესხი, რაც გულისხმობს  ენერგოეფექტური ღონისძიებების, განახლებადი ენერგო ტექნოლოგიების და გარემოსადმი მეგობრული ნებისმიერი აქტივობის დაფინანსებას. ასეთი გზით ვცდილობთ შევამციროთ  კლიენტების მხრიდან გარემოზე უარყოფითი ზეგავლენა და ავამაღლოთ საზოგადოების გარემოსდაცვითი ცნობიერება. ISO 14001:2015  სერტიფიკატის მიღება კიდევ ერთი წარმატებული ნაბიჯია, რაც ამყარებს ჩვენი გარემოსდაცვითი მენეჯმენტის სისტემას, ხაზს უსვამს ჩვენი, როგორც მწვანე ბანკის მყარ პოზიციას ბაზარზე და ზრდის პასუხსიმგებლობას. მოხარულები ვართ, რომ საქრათველოში წარმოდგენილი ბანკებიდან ეს სერტიფიკატი პირველებმა ჩვენ ავიღეთ” - აცხადებენ პროკრედიტ ბანკის ეკო ქვეგანყოფილებაში.