მეტროს თანამშრომლებისთვის წელთა ნამსახურეობის დანამატი აღდგება
თბილისის სატრანსპორტო კომპანიის მეტროს თანამშრომლებისთვის, სამუშაო პირობების გაუმჯობესებისა და მათი თავდაუზოგავი შრომის დაფასების მიზნით, ქ. თბილისის მერიისა და სატრანსპორტო კომპანიის გადაწყვეტილებით, 2016 წლიდან აღდგება წელთა ნამსახურეობის დანამატი.
აღნიშნული დანამატის გადახდა შეწყდა 2006 წელს შპს "თბილისის მეტროს" გადაწყვეტილებით , სანაცვლოდ ეს თანხა დაემატა თანამშრომლების ყოველთვიურ ხელფასებს.
მომავალი წლიდან მეტროს თანამშრომლების არსებულ ხელფასებზე ისევ გაკეთდება დანამატი წელთა ნამსახურეობის მიხედვით, რისთვისაც ქალაქის მერია 2016 წლის ბიუჯეტიდან დამატებით 1 მილიონ ლარს გამოყოფს.
