სუიციდის მორიგი შემთხვევა მოხდა სამტრედიაში - 22 წლის დემურ სტურუამ სიცოცხლე თვითმკვლელობით დაასრულა. ახალგაზრდამ სიკვდილამდე წერილი დაწერა, ამის შესახებ ინფორმაციას რუსთავი 2 ავრცელებს.

სტურუა წერს, რომ მას მას სამტრედიის ერთ-ერთი პოლიციელი, გოდერძი თევზაძე სამართალდამცავებთან თანამშრომლობას აიძულებდა. დემურ სტურუას თქმით მას პოლიციელი იმის შესახებ სთხოვდა ინფორმაციის მიწოდებას, თუ ვის სად ჰქონდა დათესილი მარიხუანა. გარდა ამისა, დემური მის მიმართ განხორციელებულ ფიზიკურ ძალადობაზეც საუბრობს და ამბობს, რომ ის მანქანაში ცემეს.

„გემშვიდობებით ყველას, დედა დარჩი მარტო, მაგრამ რა ვქნა,“ - წერს დემურ სტურუა.

წერილი 2016 წლის 7 მარტს, 20 საათსა და 10 წუთზეა დაწერილი.