კახეთში ნადირობის წესების დარღვევის ფაქტი გამოავლინეს
გარემოსდაცვითი ზედამხედველობის დეპარტამენტის კახეთის სამმართველოს თანამშრომლებმა ნადირობის წესების დარღვევის ფაქტი გამოავლინეს.
ლაგოდეხის მუნიციპალიტეტის მიმდებარე ტერიტორიაზე სამართალდამრღვევი ნადირობდა გადამფრენ ფრინველზე ნადირობისათვის აკრძალულ პერიოდში. ნადირობისას 2 ცალი მწყერი ჰქონდა მოპოვებული.
შედგა ადმინისტრაციული სამართალდარღვევის ოქმი.
სამართალდარღვევის იარაღი ჩამოერთვა და დაილუქა. მასალები შემდგომი რეაგირებისათვის გადაეგზავნება შესაბამის რაიონულ სასამართლოში.
