ვაჟა-ფშაველას V კვარტლის I კორპუსის მიმდებარე ტერიტორიაზე სპორტული მოედნის რეაბილიტაცია მიმდინარეობს
ვაკის რაიონის გამგეობის დაკვეთით, გრძელდება ინფრასტრუქტურული და თანადაფინანსებული პროექტების განხორციელება.
ვაჟა-ფშაველას V კვარტლის I კორპუსის მიმდებარე ტერიტორიაზე სპორტული მოედნის რეაბილიტაცია მიმდინარეობს, გარდა ამისა, I კორპუსის სახურავი გამოიცვალა, I და II კორპუსებში ლიფტების რეაბილიტაცია დასრულდა.
განხორციელებული და დაგეგმილი პროექტები ადგილობრივ მოსახლეობას ვაკის რაიონის გამგებელმა, ნოდარ ტურძელაძემ გააცნო, მოქალაქეების პრობლემები მოისმინა და მათი გადაჭრის გზებზეც ისაუბრა.
