სოფელ სობისში, ჩილინრიშვილებმა ქერის აღებას მალე დაასრულებენ. ევროკავშირის ცხელი ხაზის მეშვეობით დაწყებულმა მოლაპარაკებამ შედეგი გამოიღო და კომბანი მოსავლის ასაღებად 11 საათიდან მუშაობს. მოლაპარაკების თანახმად, ჩილინდრიშვილებს 5 საათი აქვთ, რომ ქერი დააბინაონ. ადგილზე მათთან ერთად იმყოფებოდა გორის მუნიციპალიტეტის გამგებელი დავით ონიაშვილი, პროცესს აკვირდებიან სამართალდამცავები, ჟურნალისტები და ევროკავშირის სადამკვირებლო მისის წარმომადგენლები. მოსავლის აღებას რუსი სამხედროებიც აკვირდებიან.

„როგორც გუშინ საღამოს გახდა ცნობილი, მოლაპარაკებებმა შედეგი გამოიღო და ჩილინდრიშვილები მოახერხებენ დარჩენილი ქერის აღებას.  მიუხედავად იმისა, რომ პროცესს რუსი სამხედროებიც აკვირდებიან ამ დროისთვის კუმბაინს მშვიდ ვითარებაში უწევს მუშაობა და მოსავლის აღებას მალე დავასრულებთ“ - განაცხადა ჟურნალისტებთან გორის მუნიციპალიტეტის გამგებელმა დავით ონიაშვილმა.

შეგახსენებთ, რომ სობისში გუშინ დილით მდგომარეობა მას შემდეგ დაიძაბა, რაც რუსმა სამხედროებმა კომბაინით ჩილინდრიშვილების ქერის აღება დაიწეს. მოლაპარაკების პროცესში შერიგებისა და სამოქალაქო თანასწორობის საკითხებში სახელმწიფო მინისტრი ქეთევან ციხელაშვილი და გორის მუნიციპალიტეტის გამგებელი დავით ონიაშვილი სხვა უწყებებთან ერთად გუშინვე ჩაერთვნენ და გადაწყვეტილება გვიან საღამოს გახდა ცნობილი.