საქართველოს უზენაესი სასამართლო ”რუსთავი 2”-ის საკასაციო საჩივრის დასაშვებობის საკითხს სავარაუდოდ 5 სექტემბერს განიხილავს. ამის შესახებ ინფორმაციას ტელეკომპანია ”რუსთავი 2”-ის გენერალური დირექტორი, ნიკა გვარამია ავრცელებს. მისი ინფორმაციით, არხის საკასაციო საჩივარის განხილვა ზეპირი მოსმენის გარეშე მოხდება. 
”5 სექტემბერს, უზენაესმა სასამართლომ, კანონის ყველა შესაბამისი ნორმის დარღვევით, შესაძლოა არ მიიღოს განსახილველად ჩვენი საკასაციო საჩივარი და დაასრულოს არა მარტო ”რუსთავი 2”-ის საქმე, არამედ უარყოფითად გადაწყვიტოს ოქტომბრის არჩევნების ლეგიტიმურობის საკითხი და პერსპექტივა მოუკლას ქვეყნის დემოკრატიულ მომავალს. ვნახოთ, რას იზამს საქართველოს უზენაესი სასამართლო და მისი კოლეგია ეკატერინე გასიტაშვილის, ბესარიონ ალავიძის და პაატა ქათამაძის შემადგენლბით”, - წერს ,,ფეისბუქზე“ გვარამია.