სამხრეთ კორეის რესპუბლიკაში, ევროპისა და აზიის სამთო კურორტების რიგით მე-2 კონფერენციაზე, ხელი მოეწერა ხელშეკრულებას საქართველოს ეკონომიკისა და მდგრადი განვითარების სამინისტროს შპს  „მთის კურორტების განვითარების კომპანიასა“ და მსოფლიოში წამყვან კანადურ კომპანია  „ეკოზაინს“  შორის, კობი-გუდაურის მასტერპლანის,  განაშენიანების გეგმის შემუშავების შესახებ.

სამთო  კურორტების პოპულარიზაციისთვის  მასტერპლანის შექმნა ერთ-ერთი მნიშვნელოვანი პროექტია, რომლის საფუძველზეც განისაზღვრება ტურისტული ინფრასტრუქტურის განვითარება.

გეგმა მოიცავს ახალ საბაგიროების მშენებლობას, დამატებითი სასრიალო ინფრასტრუქტურის  განვითარებას, პარკინგზონების შექმნას,  სასტუმროების, აპარტოტელების, კვებისა და გასართობი ტერიტორიების  ადგილმდებარეობისა და მასშტაბის განსაზღვრას.