ვაჟა-ფშაველას III კვარტალში სკვერის რეაბილიტაცია იწყება - შეხვედრა მოსახლეობასთან
ვაჟა-ფშაველას III კვარტალში, მე-18 და 26-ე კორპუსებს შორის მდებარე სკვერის სარეაბილიტაციო სამუშაოები იწყება. დაგეგმილი რეაბილიტაციის დეტალები ადგილობრივ მოსახლეობას ვაკის რაიონის გამგებელმა, ნოდარ ტურძელაძემ გააცნო.
პროექტის თანახმად, სკვერში მოეწყობა ბილიკები, გამოიცვლება ბორდიურები, სკამები და საქანელები. საერთო ჯამში, მომდევნო ორი თვის განმავლობაში ვაკის რაიონში 29 სკვერის რეაბილიტაცია დასრულდება.
