სამარშრუტო ტაქსებისა და ავტობუსების ნაწილი პუშკინის ქუჩის გავლით იმოძრავებს
თბილისში სამარშრუტო ტაქსტებისა და ავტობუსების ნაწილი მარშრუტს შეიცვლის და პუშკინის ქუჩის გავლით იმოძრავებს.
დედაქალაქის მერიის ინფორმაციით, მიკროავტობუსებისა და ავტობუსების უმრავლესობა, რომლებიც თავისუფლების მოედნიდან ბარათაშვილის ქუჩის, ორთაჭალისა და გმირთა მოედნისკენ ჭანტურიას ქუჩის გავლით მოძრაობდნენ, ამიერიდან პუშკინის ქუჩით ივლიან.
თბილისის მერიამ შეცვალა ავტობუსების შემდეგი მარშრუტები: N14, 33, 61, 88, 140, 150, 37, 46 და 122. ანალოგიური გადაწყვეტილება შეეხო მიკროავტობუსებს: N2, 4, 19, 31, 72, 141, 170, 176, 67, 120, 131-სა და 149-ს.
