მორიგი თავდასხმა თბილისში - ვაზისუბანში ორი ნიღბიანი მამაკაცი სავაჭრო ცენტრ "სმარტში" შეიჭრა და "ლიბერთი ბანკი" და "საქართველოს ბანკი" დააყაჩაღეს. 

"დერეფანში შემოცვივდნენ ავტომატიანები. სახეზე ნიღბები ეკეთათ და რამდენჯერმე გაისროლეს კიდეც.  ავტომატიანი მოვარდა, ბანკის თანამშრომელს იარაღი დაუმიზნა და უყვირა, ჩქარა ფულიო. გოგონამ ამოღო და ფული თეთრი ტომრით მიაწოდა. მერე ყველანი იატაკზე ვიწექით და მეტი არაფერი დამინახავს. ისროდა სროლის ხმაც", - ამბობს ერთ-ერთი თვითმხილველი.    

შემთხვევის შედეგად არავინ დაშავებულა. თვითმხილველების ინფაომციით, მათ ფულის გატანა ტომრებით შეძლეს. 

თვითმხილველები ყვებიან, რომ დამყაჩაღებლებმა მანქანაც გაიტაცეს და შემთხვევის ადგილი უცხო მანქანით დატოვეს.

შსს მომხდარს ჯგუფური ყაჩაღობის მუხლით იძიებს.