საბერძნეთში ძლიერი ხანძრის გამო მიგრანტთა ბანაკიდან 4 ათასზე მეტი ადამიანის ევაკუაცია განხორციელდა
4 ათასზე მეტი მიგრანტის ევაკუაცია განხორციელდა საბერძნეთის კუნძულ ლესბოსზე განლაგებული ბანაკიდან. მიგრანტების ევაკუაცია ბანაკში გაჩენილი ძლიერი ხანძრის გამო გახდა საჭირო. BBC-ის ინფორმაციით, ხანძარმა ბანაკის 30 პროცენტი გაანადგურა.
ინფორმაცია დაშავებულების შესახებ არ ვრცელდება. პოლიციამ გამოძიება დაიწყო. ბანაკის მომსახურე პერსონალის განცხადებით, ხანძარი კონფლიქტის შემდეგ გაჩნდა.
ამ დროისათვის კუნძულზე 5 600 ლტოლვილი იმყოფება.
ბერძნული სააგენტო ANA-ს ინფორმაციით მიგრანტებს შორის ჩხუბი მას შემდეგ დაიწყო, რაც მათ შორის გავრცელდა ინფორმაცია თურქეთის დეპორტაციის შესახებ.
