კოსტა-რიკაში ვულკანი ამოიფრქვა
კოსტა-რიკაში ვულკანი -ტურიალბა ამოიფრქვა. ამის გამო ქვეყნის ხელმძღვანელობამ დედაქალქის აეროპორტში ავიარეისების მიღება შეაჩერა.
ვულკანური ფერფლისგან გაჩენილი ღრუბლების გამო რვა თვითმფრინავი კოსტა-რიკის ჩრდილოეთით მდებარე აეროპორტებსა და სალვადორში გაგზავნეს.
კოსტა-რიკის დედაქალაქ სან-ხოსედან აეროპორტი ”ხუან სანტამარია” 16 კმ-ში, ვულკანი ტურიალბა კი 36 კმ-ში მდებარეობს.
კოსტა-რიკელი ვულკანოლოგების მონაცემებით, ვულკანზე ორი ძლიერი ამოფრქვევა დაფიქსირდა, ფერფლის ღრუბლები კი 4 ათასი მეტრის სიმაღლზე გაიფანტა.
