ლონდონის სატელეფონო ჯიხურები მიკროოფისებად გადაკეთდება
წითელი სატელეფონო ჯიხურები წლების განმავლობაში ლონდონის სიმბოლო იყო. სმარტფონების მასიობრივად გამოსვლის შემდეგ ჯიხურებზე მოთხოვნილება შემცირდა, თუმცა ბრიტანელებმა მათი გამოყენების ახალ მეთოდს მიაგნეს. კომპანია “პოდ უორკსმა” ჯიხურები მიკროოფისებად გადააკეთა.
დღეიდან ასეთ ოფისებში ნებისმიერ მსურველს უსადენო ინტერნეტით, სკანერითა და პრინტერით სარგებლობა, ასევე, მობილური ტელეფონის ან ნოუთ ბუკის დამუხტვა შეეძლება. მათ, ვინც წითელი ჯიხურის სერვისით ისარგებლებს, ჩაისა და ყავას უფასოდ შესთავაზებენ.
