უამინდობა 25 სექტემბრამდე შენარჩუნდება
გარემოს ეროვნული სააგენტოს ინფორმაციით, 21 სექტემბერს საქართველოში შავი ზღვის ჩრდილო - დასავლეთიდან დაიწყო გრილი და ნოტიო ჰაერის მასების გავრცელება.
ქვეყნის ტერიტორიის უმეტეს ნაწილზე წვიმს, ზოგან ელჭექით, ქრის დასავლეთის ძლიერი ქარი. დასავლეთ საქართველოში მკვეთრად დაეცა ჰაერის ტემპერატურა. უამინდობა შენარჩუნდება 25 სექტემბრამდე. ჰაერის ტემპერატურა ქვეყნის მასშტაბით +16, +21° - ის ფარგლებში იქნება.
