ამერიკის ჩრდილეოთ კაროლინას შტატის ქალაქ შარლოტის პოლიციამ, საპროტესტო აქციის მონაწილეების წინააღმდეგ ცრემლსადენი გაზი გამოიყენა. ამის შესახებ სააგენტო ”ფრასნ პრესი” იტყობინება.  ქალაქში უკვე მესამე დღეა არ წყდება გამოსვლები პოლიციელების მიერ აფროამერიკელის მოკვლის შემდეგ.  

სააგენტოს მონაცემებით, დემონსტრანტებმა გადაკეტეს ქალაქის მთავარი მაგისტრალი. მანამდე ქალაქის ხელისუფლებამ კომენდანტის საათი გამოაცხადა.

აქციის მსვლელობისას რამდენიმე პოლიციელი და სამოქალაქო პირი დაშავდა. ერთ-ერთი მომიტინგე მძიმედ დაიჭრა, ის მოგვიანებით საავადმყოფოში გარდაიცვალა.

როგორც პოლიციაში აცხადებენ, სამშაბათს საღამოს სამართალდამცველებმა შეიარაღებული მამაკაცი შენიშნეს და ცეცხლი გაუხსნეს, მიღებული ჭრილობების შედეგად 43 წლის აფროამერიკელი კეიტ ლამინტ სკოტი საავადმყოფოში გარდაიცვალა. პოლიციელი, რომელმაც მას ესროლა, ასევე აფროამერიკელი იყო.