სამი ადამიანი დაიღუპა ქარხანაში მომხდარი სროლისას
სამი ადამიანი დაიღუპა ლითონის კონსტრუქციების მწარმოებელ ქარხანაში მომხდარი სროლისას. ”ასოშიეიტედ პრესის” ინფორმაციით, ინციდენტი ამერიკის ტენესის შტატში მოხდა.
ქალაქის პოლიციის უფროსმა ჩარლზ ციგლერმა განაცხადა, რომ სროლა ქარხნის ერთ-ერთმა თანამშრომელმა დაიწყო, შემდეგ კი თავი მოიკლა. ინციდენტის მიზეზები უცნობია, მიმდინარეობს გამოძიება.
