ავტოსაგზაო შემთხვევა მოხდა რუსთავი-თბილისის მაგისტრალზე - ერთმანეთს 4 ავტომობილი დაეჯახა, მათგან ერთერთი მიკრო ავტობუსია, რომელიც შეჯახებისას გადაყირავდა, ამის შესახებ ინფორმაციას "ინფო რუსთავი" ავრცელებს.

სააგენტოს ცნობით, შემთხვევა 18:30 საათზე მოხდა. ავარიის შედეგად დაშავებული 2 ადამიანი სასწრაფო დახმარების ეკიპაჟებმა უახლოეს საავადმყოფოებში გადაიყვანეს. ადგილზე მობილიზებული იყო სამაშველო და საპატრულო პოლიციის ეკიპაჟები.

გამოძიება 276 მუხლის პირველი ნაწილით მიმდინარეობს, რაც ტრანსპორტის მოძრაობის ან ექსპლუატაციის წესების დარღვევას გულისხმობს, რომელმაც ადამიანის ჯანმრთელობის მსუბუქი დაზიანება გამოიწვია.