ფინანთა მინისტრმა საზოგადოებას სამინისტროს 3 წლის საქმიანობის ანგარიში ჩააბარა. ნოდარ ხადურმა განაცხადა, რომ პრეზენტაციაზე აღნიშნა, რომ სახელმწიფო ვალი მდგრადობით გამოირჩევა.

„სახელმწიფო ვალის 78% უცხოურ ვალუტაშია და შეღავათიანია. გადაიდგა მნიშვნელოვანი ნაბიჯები მთავრობის ვალის მართვის პოლიტიკის გაუმჯობესების კუთხით“, განაცხადა ფინანსთა მინისტრმა.

მინისტრის ინფორმაციითვე, საქართველო აფართოებს თავის, როგორც რეგიონული ცენტრის მნიშვნელობას.

„3 წლის მანძილზე ქვეყანამ უმასპინძლა არაერთ მნიშვნელოვან საერთაშორისო ღონისძიებას

2015 წლის 13-15 მაისს, საქართველომ წარმატებით უმასპინძლა მაღალი რანგის ისეთ საერთაშორისო ღონისძიებას, როგორიცაა ევროპის რეკონსტრუქციისა და განვითარების ბანკის ყოველწლიური შეხვედრა და ბიზნეს ფორუმი. ასევე წელს, თბილისში, 24-25 აგვისტოს გაიმართა აზიის ინფრასტრუქტურის საინვესტიციო ბანკის (AIIB) მთავარი მომლაპარაკებლების შეხვედრა, სადაც ბანკის დამფუძნებელი წევრების მიერ კონსესუსის გზით შერჩეული იქნა ბანკის პირველი პრეზიდენტი. ბანკში საქართველოს გაწევრიანება, ქვეყანას საშუალებას აძლევს დამატებითი რესურსი მოვიზიდოთ ინფრასტრუქტურული პროექტებისთვის.

2013 წლის მაისის გაიმართა მსოფლიო ბანკის და საერთაშორისო სავალუტო ფონდის ჰოლანდია-ბელგიის ჯგუფის წევრი ქვეყნების ყოველწლიური შეხვედრა (Constituency Meeting).

2014 წლის აპრილში, აზიის განვითარების ბანკთან (ADB) ერთად საქართველოში პირველად ჩატარდა „სახელმწიფო ვალის მართვის რეგიონალური ფორუმი“. ფორუმში მონაწილეობა მიიღეს ADB-ს წევრი ქვეყნების უმეტესობამ, საერთაშორისო საფინანსო ინსტიტუტებმა და იმ კომპანიების წარმომადგენლებმა, ვისაც გამოცდილება აქვს ვალის მართვის სფეროში.

თბილისში გაიმართა შავი ზღვის ვაჭრობისა და განვითარების ბანკის (BSTDB) წლიური შეხვედრა და ბიზნესფორუმი. თბილისში დაფუძნდა ევროპის საინვესტიციო ბანკის (EIB) რეგიონული ოფისი, რომელმაც უკვე დაიწყო ფუნქციონირება“, აღნიშნა ანგარიშის პრეზენტაციისას ნოდარ ხადურმა.