დღეს, 2016 წლის 26 სექტემბერს აზერბაიჯანში საკონსტიტუციო ცვლილებებთან დაკავშირებით რეფერენდუმი ტარდება.

ქვეყნის მოქლაქეები რეფერენდუმით გადაწყვეტენ ხუთიდან შვიდ წლამდე პრეზიდენტის უფლებამოსილების ვადის გაზრდის საკითხს. პლებისციტზე ასევე გადაწყდება ვიცე-პრზეიდენტების პოსტების შექმნას, ასევე სახელმწიფოს მეთაურისა და დეპუტატობის კანდიდატებისთვის ასაკობრივი ცენზის მოხსნის საკითხი.  

როგორც აზერბაიჯანის ცენტრალური საარჩევნო კომიტეტის თავმჯდომარემ, მაზახირ ფახანოვმა განაცხადა, კენჭისყრის პროცესს ქვეყნის მასშტაბით 53 ათასი დამკვირვებელი, მათ შორის 117 საერთაშორისო დამკვირვებელი დაესწრება. საარჩევნო სიებში, ოფიციალური ცნობით, 5 მილიონზე მეტი მოქალაქე ირიცხება.

კონსტიტუციაში ცვლილებების შეტანის ინიციატივით თავად აზერბაიჯანის პრეზიდენტი ილჰამ ალიევი გამოვიდა.