თბილისს დღეს რომის პაპი ეწვევა
დღეს თბილისში რომის პაპი ჩამოდის. ვატიკანის დელეგაციას თბილისის საერთაშორისო აეროპორტში საქართველოს პრეზიდენტი მეუღლესთან ერთად დახვდება.
დღესვე რომის პაპი პრეზიდენტის სასახლეში გიორგი მარგველაშვილს პირისპირ შეხვდება. შემდეგ კი მას საქართველოს კათოლიკოს - პატრიარქი ილია მეორე საპატრიარქოში უმასპინძლებს. 1 ოქტომბერს რომის პაპი თბილისის მიხეილ მესხის სახელობის სტადიონზე მესას აღავლენს და იქადაგებს.
ვიზიტის ფარგლებში რომის პაპი სვეტიცხოვლის საკათედრო ტაძარსაც მოინახულების. საქართველოს პაპი 2 ოქტომბერს დატოვებს და აზერბაიჯანში გაემგზავრება.
