ირაკლი ოქრუაშვილზე თავდასხმაში მონაწილე პირების იდენტიფიცირება უკვე მოხდა, თუმცა ისინი ამ დრომდე არ არიან დაკავებულები. საგამოძიებო მოქმედებებს შინაგან საქმეთა სამინისტრო აწარმოებს. საქმე სისხლის სამართლის კოდექსის 117-ე და 236-ე მუხლებით მიმდინარეობს, რაც ჯანმრთელობის განზრახ მძიმე დაზიანებასა და ცეცხლსასროლი იარაღის მართლსაწინააღმდეგო შეძენა-შენახვა-ტარებას გულისხმობს. პირი, რომელმაც გუშინ ცეცხლსასროლი იარაღიდან ისროლა, შემთხვევის ადგილიდან მიიმალა. ის რამდენჯერმეა ნასამართლევი. შეგახსნებეთ, რომ გორში, მაჟორიტარი დეპუტატობის კანდიდატს, თავდაცვის ყოფილ მინისტრს, ირაკლი ოქრუაშვილს ამომრჩევლებთან შეხვედრის დროს ცეცხლი გაუხსნეს. დაჭრილია ოქრუაშვილის თანმხლები ორი პირი. ორივე მათგანი საავადმყოფოშია გადაყვანილი. ერთ-ერთ მათგანს ოპერაცია ჩაუტარდა.