ხულოში პურის საცხობი აფეთქდა - გარდაცვლილია 65 წლის მამაკაცი
უბედური შემთხვევა ხულოში - ერთ-ერთ პურის საცხობში საწვავის ავზი აფეთქდა, რასაც 65 წლის მამაკაცი ემსხვერპლა. ადგილზე დროულად მივიდა სასწრაფო სამედიცინო დახმარების ბრიგადა, თუმცა მამაკაცის გადარჩენა ვერ მოხერხდა.
შინაგან საქმეთა სამინისტროს პრეს-სამსახურის ინფორმაციით, გამოძიება ტექნიკური უსაფრთხოების დარღვევის მუხლით მიმდინარეობს, რამაც ადამიანის სიცოცხლე შეიწირა.
