ჩვენი გამარჯვება უნდა იყოს საქართველოს გამარჯვება , - ეს განცხადება დავით ბაქრაძემ ვარდების მოედანზე გამართულ ენმ-ს აქციაზე სიტყვით გამოსვლისას გააკეთა.

„თქვენთან ერთად 3 დღეში წერტილი უნდა დავუსვათ დაპირისპირებას და ზიზღს. წერტილი უნდა დავუსვათ ბოღმას და წარსულის ნგრევას. წერტილი უნდა დავუსვათ ერთმანეთისთვის ქვის სროლას და ყველამ ერთად, ხელჩაჭიდებულებმა დავიწყოთ ახალი, უკეთესი საქართველოს შენება ახალი ენერგიით! იმ საქართელოსი, სადაც არავინ არავის არ დაუწყებს ქვის სროლას და დაპირისპირებას. იმ საქართველოსი, სადაც ყველა ერთად ვიცხოვრებთ უკეთესად იმიტომ, რომ ჩვენი გამარჯვება არ არის პარტიის გამარჯვება. მე ვარ ამ პარტიაში, თითოეული ჩვენგანი, თითოეული თქვენგანი, ჩვენ ყველა ვართ ნაციონალური მოძრაობის წევრები, მხარდამჭერები და გულშემატკივრები. მაგრამ თითოეული ჩვენგანისთვის არ არსებობს უფრო დიდი პარტია, ვიდრე ეს არის საქართველო! ჩვენი გამარჯვება უნდა იყოს საქართველოს გამარჯვება”, - განაცხადა ბაქრაძემ.