გურჯაანის რაიონის სოფელ ველისციხეში უბედური შემთხვევა მოხდა. 

მცირეწლოვანი ბავშვები თოკის წნულებით თამაშობდნენ, რა დროსაც ექვსი წლის გოგონა ხეზე ჩამოეკიდა და დაიხრჩო.

"ოჯახი სულ რამდენიმე დღეა ველისციხეში ცხოვრობს. მათი ექვსი წლის გოგონა თურმე მეზობლის თანატოლ ბავშვებთან თამაშობდა თოკებით, როგორც ჩამოეკიდა ხეზე და როგორ დაიხრჩო არ ვიცით. ბავშვებმა რომ ყვირილი ატეხეს ჩვენც იმ დროს გავიგეთ და მისმა მშობლებმაც, ხიდან დროულად ჩამოვხსენით, სასწრაფოც გამოვიძახეთ, თუმცა პატარა გარდაცვლილი იყო. ეტყობა მომენტალურად დაიხრჩო", - აცხადებს სოფელ ველისციხის მცხოვრები ნოდარ ქათამაძე.

მომხდართან დაკავშირებით აღძრულია სისხლის სამართლის საქმე და მოკვლევას გურჯაანის პოლიცია აწარმოებს.