App Store-ს შემოსავლები Google Play-ის შემოსავალს 80 %-ით აღემატება. საიდუმლოს არ წარმოადგენს ის, რომ iOS-ის შემქმნელებისათვის ბიზნესი უფრო მომგებიანია, ვიდრე Android-ის შემქმნელების ბიზნესი, რადგანაც „ჩაკბეჩილი ვაშლის“ მფლობელების ხარჯი ამა თუ იმ პროგრამის შესაძენად უფრო მეტია, ვიდრე სხვა კომპანიის პრიდუქტის მეპატრონის ხარჯი.

App Annie-ს ანალიტიკოსების ანგარიშით, მიმდინარე წლის მესამე კვარტალში App Store-ს შემოსავალი Google Play-ს შემოსავალს 80 %-ით აღემატება. მეორე კვარტალში ეს სხვაობა 70 %-ს შეადგენდა. ეს ერთის მხრივ სამწუხარო ფაქტია, რადგანაც Google Play-დან გადმოქაჩვები უფრო მეტია ვიდრე App Store-დან. ასევე Android-მოწყობილობები ხმარებაში უფრო მეტია ვიდრე iOS-ის ბაზაზე მომუშავე მოწყობილობები. ანალიტიკოსების განმარტებით, ეს სხვაობა თითქმის 90 %-ია, მაგრამ iOS-ს პროგრამების მაღალი ფასის გამო, App Store-ს შემოსავალი დიდია.