ავარიის შედეგად 5 და 10 წლის ბავშვები დაიღუპნენ - უბედური შემთხვევა თუშეთის გზაზე
უბედური შემთხვევა მოხდა თუშეთის გზაზე - ე.წ. ,,თორღვას აბანოების“ მიმდებარე ტერიტორიაზე „ლენდკრუიზერის“ მარკის ავტომობილი დაახლოებით 60 მეტრის სიმაღლიდან ხრამში გადავარდა.
არსებული ინფორმაციით, ავტომობილით ისრაელის მოქალაქეები მგზავრობდნენ. შემთხვევის შედეგად 5 და 10 წლის ბავშვები ადგილზე დაიღუპნენ, საავადმყოფოში არიან გადაყვანილი მათი მშობლები, ასევე 7 და 11 წლის ბავშვები.
მოხდართან დაკავშირებით აღძრულია სისხლის სამართლის საქმე 276-ე მუხლით, რაც ტრანსპორტის მოძრაობის და ექსპლოატაციის წესის დარღვევას გულისხმობს, რომელმაც ადამიანის სიცოცხლის მოსპობა გამოიწვია.
