ქუთაისის საერთაშორისო აეროპორტს მგზავრთნაკადი შეუმცირდა. საქართველოს სამოქალაქო ავიაციის სააგენტოში განმარტავენ, რომ 2015 წლის იანვარ-სექტემბერში გასული წლის ანალოგიურ პერიოდთან შედარებით, აეროპორტი 18.20%-ით ნაკლებ მგზავრს მოემსახურა. სტატისტიკური ინფორმაციის მიხედვით, 2015 წლის იანვარ-სექტემბერში ქუთაისის საერთაშორისო აეროპორტი გადაადგილებისათვის 146 ათას 162 მგზავრმა გამოიყენა. 2014 წლის 9 თვეში კი ქუთაისის აეროპორტით 178 ათას 688 მგზავრმა ისარგებლა.

სააგენტოს ინფორმაციითვე, 2015 წლის იანვარ-სექტემბერში, 2013 წლის იანვარ-სექტემბერთან შედარებით ქუთაისის საერთაშორისო აეროპორტში მგზავრთნაკადი 17%-ით გაიზარდა.

2013 წლის 9 თვეში ქუთაისის საერთაშორისო აეროპორტი სულ 125 ათას 324 მგზავრს მოემსახურა.